საქართველოს სტუდენტთა უფლებების ლიგის პრეზიდენტი ნოდარ თათვიძე ამბობს, რომ მოხშირდა ტაქსის მძღოლების მხრიდან უტაქტო და არაადეკვატური დამოკიდებულება მოქალაქეებისადმი. კომენტარს თათვიძე სოციალურ ქსელში აქვეყნებს:
„ერთხელ და სამუდამოდ, ტაქსის პრობლემა უნდა გადაიჭრას თბილისში! არ ვსაუბრობ იმაზე, რომ ქალაქში ძალიან ბევრი ტაქსია, არც იმას ვამბობ, რომ მგზავრობის შესაბამის ფასს არ ახდევინებს მოსახლეობას ტაქსის მძოლთა გარკვეული ნაწილი, არც იმაზე ვამბობ რამეს, რომ ზოგიერთი ტურისტი მგზავრობასთან შეუსაბამო თანხას იხდის მგზავრობისას... მე მინდა გავამახვილო ყურადღება ერთ მნიშვნელოვან დეტალზე - ძალიან ბევრი სტუდენტი გოგონა ვიცი, რომლებიც, მითუმეტეს საღამო ხანს, ტაქსში მარტო ჩასხდომას ერიდებიან რადგან ტაქსის მძღოლთა გარკვეული ნაწილი არ იქცევა ადეკვატურად... უნდა შემუშავდეს ისეთი მექანიზმი, რომელიც დაარეგულირებს ამ პრობლემას და სურვილის შემთხვევაში, ნებისმიერ პირს არ ექნება საშუალება ტაქსის ტრაფარეტის მქონე მანქანით იმოძრაოს და დაურღვიოს სიმშვიდე ახალგაზრდებს!'', - წერს საქართველოს სტუდენტთა უფლებების ლიგის პრეზიდენტი.
