„ფილმში 400 მსახიობი მონაწილეობს. არის მთავარი და ეპიზოდური როლები. ბიუჯეტი იმ რაოდენობის გახლავთ, რაც ზოგადად, კარგი ხარისხის სერიალის გადაღებას სჭირდება", - განცხადებას რეჟისორი გოგა ხაინდრავა გაზეთ „ასავალ-დასავალთან" ინტერვიუში აკეთებს:
„ამ ფილმის პირველი ნაწილის - 24 სერიის ნახვას ტელემაყურებელი ამ წლის გვიან გაზაფხულზე შეძლებს. შემდეგ, საზოგადოების განწყობის შესაბამისად, მეორე ნაწილზე გავაგრძელებთ მუშაობას.
მე ისინი მეცოდება. პატიმრობა საკუთარ თავზე მაქვს გამოცდილი და ნაცდამნაშავეებს ნიშნს ვერ მოვუგებ, მაგრამ როცა ამ ავაზაკების მსხვერპლთა ნაამბობს ვკითხულობ, რომელიც ფილმს საფუძვლად უდევს, შეცოდების გრძნობა ქრება. ადამიანებს ისეთი მძიმე დანაშაულები აქვთ ჩადენილი, ალბათ მათივე სულებისთვის სჯობს, ამქვეყნად ნაწილობრივ მაინც გამოისყიდონ ცოდვები" - ამბობს გოგა ხაინდრავა.
მოამზადა სოფო ხუგოიანმა
წყარო: ასავალ-დასავალი
