სამართალდამცველებმა ოპერატიულ-სამძებრო და საგამოძიებო ღონისძიებების შედეგად, 1992 წელს დაბადებული ლაშა დ. ხულიგნობისა და ჯანმრთელობის განზრახ ნაკლებად მძიმე დაზიანების ბრალდებით დააკავეს.

გამოძიებამ დაადგინა, რომ ბრალდებულმა, თბილისში, აბაშიძის ქუჩის ქ.39-ის მიმდებარე ტერიტორიაზე, ურთიერთშელაპარაკების ნიადაგზე, ცეცხლსასროლი იარაღიდან გასროლით, ფეხში დაჭრა 1992 წელს დაბადებული დავით დ. და შემთხვევის ადგილიდან მიიმალა. დაჭრილი ახალგაზრდა ამ დრომდე, სტაციონარში, ექიმების მეთვალყურეობის ქვეშ გადის მკურნალობას.

გამოძიება ხულიგნობისა და ჯანმრთელობის განზრახ ნაკლებად მძიმე დაზიანების ფაქტზე მიმდინარეობს (საქართველოს სსკ-ს 239-ე მუხლის მე-2 და 118-ე მუხლის 1-ელი ნაწილით).