ტელეკომპანია „რუსთავი 2"-ის გავრცელებული ინფორმაციით, სამართალდამცველებმა სავარაუდოდ პროკურორის მკვლელობის საქმეზე „საქართველოს ხმის" დამფუძნებლის სახლი გაჩხრიკეს.

ტელეკომპანიის ცნობით, ბიძინა კუჭავას სახლი სამართალდამცველებმა გუშინ გაჩხრიკეს და დაკითხვაზე დაიბარეს მისი მეუღლე. სახლიდან წაღებულია კომპიუტერები, დისკები და მეხსიერების ბარათებიც.

„საქართველოს ხმის" დირექტორმა მამუკა კუჭავამ „კურიერთან" სატელეფონო საუბრის დროს განაცხადა, რომ ოჯახს არანაირი ინფორმაცია არ აქვს.

„ამ დილით ვიყავი, ოჯახს არ აქვს ინფორმაცია. მივიდნენ ჩხრეკვაზე. ცოლიც სამმართველოში დაიბარეს. ბავშვი იყო და სიდედრი სახლში. კომპიუტერიც წაღებულია. თერთმეტი საათის შემდეგ არ იციან სად არის. ბიძინა არის მოდულშიო ასე ამბობენ", - განაცხადა მამუკა კუჭავამ.