სამეგრელო-ზემო სვანეთის საოლქო პროკურორის ვახტანგ ქირიას მკვლელობაში ბრალდებულ ბიძინა კუჭავას მეუღლე საზოგადოებას და სამართალდამცველებს მოუწოდებს, გადაუმოწმებელი ინფორმაციის გავრცელებისგან თავი შეიკავონ.
„ვინც ისხდნენ ავტომანქანაში, მათი არც სახელები ვიცი და არც გვარი. არც ფიზიკურად მეცნობიან არანაირად. ძალიან გთხოვთ, ინფორმაციას გადაუმოწმებლად ნუ გააშუქებთ"-აცხადებს მარინა ნიკოლოზაშვილი.
„არაჩვეულებრივ ხასიათზე იყო ბოლო დღეების განმავლობაში, სახლში ბრძანდებოდა უმეტესწილად. ძალიან კარგი ურთიერთობა ჰქონდა ბავშვთან. ერთად შევხვდით ახალ წელს. მე დამკითხეს როგორც მოწმე, ქირიების ოჯახთან კი, კომუნიკაცია არ მქონია"- აღნიშნავს ბიძინა კუჭავას მეუღლე.
შს ადასტურებს, რომ სამეგრელო- ზემო სვანეთის საოლქო პროკურორის ვახტანგ ქირიას მკვლელობაში ბრალდებული მისივე ნათესავი ბიძინა კუჭავაა, რომელმაც სიცოცხლე თვითმკვლელობით დაასრულა.
