ზურაბ აბაშიძე პროკურატურაში დაკითხვაზე დაიბარეს. საქმე ეხება 2009 წელს მომხდარ დარბევას, როდესაც პოლიციის მთავარ სამმართველოსთან ძალოვნებმა მშვიდობიანი აქცია დაშალეს. აქციაზე იმყოფებოდა ზურაბ აბაშიძეც, რომელმაც სხეულის მძიმე დაზიანებები მიიღო:
„იცით, რომ ჩვენი მხრიდან არერთხელ დაისვა შეკითხვა 2009 წლის 15 ივნისის ინციდენტთან დაკავშირებით, როდესაც მოხდა მშვიდობიანი მოქალაქეების დარბევა. იქ გახლდით მეც. ძალიან სერიოზული ფიზიკური დაზიანებები მივიღე. წინა ხელისუფლების დროს პრინციპში, გამორიცხული იყო ამ თემებზე საუბარი და გამოძიების მოთხოვნა, მაგრამ ამ ხელისუფლების დროსაც ეს საკმაოდ გაჭიანურდა. დღეს, როგორც ჩანს, დაიწყო ამ საქმეზე გამოძიება. ძალიან კარგია, ჯობს გვიან, ვიდრე არასდროს",- განაცხადა ზურაბ აბაშიძემ დაკითხვის შემდეგ.
ზურაბ აბაშიძის დაკითხვა 4 საათზე მეტხანს გაგრძელდა.
