ჯანდაცვის მინისტრის დავით სერგეენკოს ინფორმაციით, ის მის დაქვემდებარებაში არსებულ სამსახურებრივ ავტომობილს, ასევე სამინისტროდან სხვა, გამოთავისუფლებულ ავტომობილებს რესპუბლიკურ საავადმყოფოს გამოძახებებისათვის გადასცემს.

„ეს ავტომობილები იქნება იქ, სანამ ამის საჭიროებაა", - განაცხადა მინისტრმა.

მინისტრის თქმით, „112"-თან შეთანხმებით, დღეიდან ამოქმედდა ახალი პროტოკოლი, რომლითაც ზარების გადამისამართება მოხდება - ე.წ. ცხელება, რისკ-ჯგუფების გარეშე, ამ ტიპის ზარების შემთხვევაში გამოძახებებზე სასწრაფო დახმარების ბრიგადების ნაცვლად ოჯახის ექიმები გავლენ.

სერგეენკოს რესპუბლიკური საავადმყოფოსთვის გაგზავნილი ავტომობილების რაოდენობა არ დაუკონკრეტებია.