ჟურნალისტი გიორგი ფოფხაძე მედიაში გავრცელებულ ვიდეოს ეხმიანება, სადაც სომხური ქორეოგრაფიული ანსამბლი ქართულ ცეკვას „სომხურ საქორწინო ცეკვად" ასაღებს და ამის შესახებ სოციალურ ქსელში სტატუსს წერს:
„იძახეთ ახლა: -დედა რა ვქნათ, კულტურას გვპარავენ... რა უნდა ქნათ და უნდა მოუაროთ, საკუთარი შეიყვაროთ და სუბკულტურისგან დაიცვათ. არ მოსპოთ, არ გაავერანოთ, არ დაანგრიოთ და სხვისი საკუთარზე წინ არ დააყენოთ.
აი, ეს უნდა ქნათ და მეტი არაფერი.
ვითომ მარტივია მაგრამ ძალიან ძნელია რატომღაც ამ ქვეყანაში.
ყოჩაღ სომხებს საკუთარი არა აქვთ და სხვისას ისე საოცრად ასაღებენ თავისად, მერე ვეღარანაირად ვერ შეედავები... თან ერთი მარტივი წესი აქვთ, რაც სხვებმა მიატოვეს, ფეხებზე ჰკიდიათ და აღარ უვლიან - ყველაფერი ჩვენია... ხო რკინის ლოგიკაა? რა თქმა უნდა რომ- კი.
მიდი ეხლა შენ და ფრანგ ქორეოგრაფებს აუხსენი, რომ ეს ცეკვა ქართულია. არ გეტყვიან რო, შე მამავხონებულო, თუ შენი იყო, აქამდე რატო არ მაჩვენე და რატო არ იღებდი ხმასო? (მქონდა მე უკვე ამის პრეცედენტი, როცა სომხებისგან მოპარულ ქართულ ღვინოზე მითხრეს ფრანგებმა ზუსტად ის ტექსტი, რაც ეხლა დავწრე)...
სომხებს არ აქვთ და მოპარულით ამაყობენ, ჩვენიაო და ჩვენ რაც გვაქვს, იმასაც ვანგრევთ და ვანადგურებთ... სამწუხარო რეალობაა, მაგრამ ფაქტია"- წერს გიორგი ფოფხაძე.
