დამიანის უფლებათა დაცვისა და სამოქალაქო ინტეგრაციის კომისიის თავჯდომარე ეკა ბესელია ევროპის საბჭოს საპარლამენტო ასამბლეის ახლადარჩეული პრეზიდენტის პედრო აგრამუნტის განცხადებას იმის შესახებ, ომ თბილისის ყოფილი მერი, გიგი უგულავა პოლიტიკური მოტივებით იმყოფება პატიმრობაში დამაკნინებელს უწოდებს.
„ჩვენ მას ვიცნობთ სწორედ იმ ცნობილი რეზოლუციის ავტორის, სახით, რომელიც იყო ძალიან უსამართლო. ბატონი აგრამუნტი ეხლა უკვე, როგორც საპარლამენტო ასამბლეის პრეზიდენტი დროებით მაინც დაივიწყებს თავის პირად პოლიტიკურ მეგობრებს, პოლიტიკურ სიმპატიებს და ის შეძლებს, რომ თავის საჯარო განცხადებებში დაბალანსებულად და ევროსაბჭოს საპარლამენტო ასამბლეის პრინციპების დაცვით მოახდენს რეაგირებებს.
დამაკნინებელია ბუნებრივია, როდესაც საუბარია ისეთ ცნობილ პოლიტიკურ პატიმარზე, როგორიც არის სავჩენკო, მასთან ერთად იყოს ნახსენები უკვე მსჯავრდებული და სასამართლოს მიერ ცნობილი ბატონი უგულავა. ეს განპირობებულია პოლიტიკური სიმპატიებით აგრამუნტის მხრიდან ნაციონალური მოძრაობის მიმართ"- განაცხადა ეკა ბესელიამ.
