არ არის გამორიცხული, კოალიცია „ქართულ ოცნებას" სოციალ-დემოკრატიული პარტიაც დაემატოს. როგორ წარმოუდგენია მომავალ პარლამენტში საკუთარი თავი პარტიის ლიდერს გია ჟორჟოლიანს, ამის შესახებ ის „რეპორტიორს" ესაუბრა. „პირადად ჩემზე რა გითხრათ, მე და ჩემს პარტიას „ქართული ოცნების" მსგავსი პლატფორმა გვაქვს და ვიმედოვნებ, ვითანამშროლებთ", - აღნიშნა ჟორჟოლიანმა.
რაც შეეხება საარჩევნო კვოტების გადანაწილებას, მისი თქმით, ამაზე საუბარი ნაადრევია და საკითხი არჩევნებამდე ცოტა ხნით ადრე გაირკვევა. მისი თქმით, საარჩევნო კვოტების განაწილების წესზე „ქართულ ოცნებაში" ჯერ არ შეთანხმებულან, მათ შორის, არც მაჟორიტარებზე.
რაც შეეხება საარჩევნო კვოტების გაზრდის მოთხოვნას რესპუბლიკური პარტიის მხრიდან, როგორც ჟორჟოლიანი აღნიშნავს, ამ საკითხზე მას ინფორმაცია არ გააჩნია.
