საქართველოს პრემიერ-მინისტრი გიორგი კვირიკაშვილი 29 იანვარს ეროვნული უშიშროების საბჭოს სხდომას დაესწრება.

პრემიერის ადმინისტრაციის ცნობით, მთავრობის მეთაური მიიჩნევს, რომ  მნიშვნელოვანია ინსტიტუციების პატივისცემა და მსგავსი საკითხები განხილვის საგანი აღარ უნდა გახდეს, მით უმეტეს მაშინ, როცა ხელისუფლებას ქვეყანაში გაცილებით მნიშვნელოვანი საკითხები აქვს მოსაგვარებელი.

ეროვნული უშიშროების საბჭო NATO-ს ვარშავის სამიტსა და საერთაშორისო მისიებთან დაკავშირებულ თემებზე გაიმართება. 

„საქართველოს პრეზიდენტის მოწვევით, საქართველოს ეროვნული უშიშროების საბჭოს სხდომა 2016 წლის 29 იანვარს, 14:00 საათზე, საქართველოს პრეზიდენტის რეზიდენციაში გაიმართება.

სხდომის დღის წესრიგით გათვალისწინებულია ორი საკითხის განხილვა:

1. მზადება NATO-ს ვარშავის სამიტისთვის;

2. თავდაცვის მინისტრის მოხსენება საქართველოს შეირაღებული ძალების ქვედანაყოფების საერთაშორისო მისიებში მონაწილეობასთან დაკავშირებით", - ნათქვამია ეროვნული უშიშროების საბჭოში.

სხდომაში მონაწილეობისთვის მიწვეული არიან საბჭოს მუდმივი წევრები.