საკრებულოს დამოუკიდებელი დეპუტატი ალექსანდრე ელისაშვილი საქართველოს პარლამენტის ვიცე-სპიკერს მანანა კობახიძეს მიმართავს და მიმართვაში აღნიშნავს, რომ მას ანასტასია ზაუტაშვილისთვის ადვოკატი არ აუყვანია, უბრალოდ კარგი ადვოკატის აყვანა შესთავაზა.
„გაცხარებულ და გაწიწმატებულ მანანა კობახიძეს გადაეცით რომ მსჯავრდებულ ანასტასია ზაუტაშვილს მისი არაერთგზისი სატელეფონო ზარისა და თხოვნის შემდეგ შევხვდი. მარტივი გადასამოწმებელია ეს ფაქტი.
კვალიფიციური, წესიერი და სინდისიერი ადვოკატის შერჩევაც ანასტასია ზაუტაშვილმა პირადად მთხოვა. სათაური დღეს გავრცელებულ ინფორმაციაში არაზუსტი იყო - მე მსჯავრდებულს ადვოკატი ვურჩიე და არ ამიყვანია. ხელფასზე დამოკიდებული კაცი ვარ და მაგდენი რომც მინდოდეს არც შემიძლია, უბრალოდ ერთი გულიანი, გულმოდგინე და სინდისიერი ადვოკატი ვურჩიე. ისეთი ვინც მას არც ფულს გამოსძალავს და არც პოლიტიკური სპეკულაციებისთვის გამოიყენებს.
ასე რომ ქალბატონო მანანა, სანამ რამეს იტყოდეთ გირჩევთ, ჯერ გადაამოწმოთ და ისე დაწეროთ ხოლმე. ვიცი მძიმე დღეში ხართ, ვიცი ანასტასია ზაუტაშვილთან ჩემმა შეხვედრამ კიდევ უფრო მძიმე მდგომარეობაში ჩაგაგდოთ, მაგრამ მაინც მოთოკეთ თავი. თორემ ხომ ხედავთ რამდენ შეცდომას უშვებთ. ეს შეცდომები კი ყოველ ჯერზე ძვირად გიჯდებათ.
ისიც იცოდეთ რომ მე ამ საქმეს ბოლომდე მივიყვან!"- აღნიშნავს ელისაშვილი.
