„რომელი დიპლომატიური ურთიერთობების აღდგენაზეა საუბარი, როცა რუსეთი არა თუ დეოკუპაციაზე არ ფიქრობს, ადგილზე მცოცავ ანექსიასაც კი ახორციელებს?!"- ასე პასუხობს  „თავისუფალი დემოკრატების" წევრი ვიქტორ დოლიძე სერგეი ლავროვის განცხადებას იმასთან დაკავშირებით, რომ რუსეთი საქართველოსთან უვიზო რეჟიმის ამოქმედების შესახებ იმ შემთხვევაში იმსჯელებს, თუ ორ ქვეყანას შორის დიპლომატიური ურთიერთობები აღდგება.

„დიპლომატიური ურთიერთობების აღდგენა უვიზო რეჟიმის დაწესებასთან არავითარ კავშირში არაა. საქართველომ ეს ნაბიჯი 2011-ში ცალხმრივად გადადგა. ახლა, ბურთი რუსეთის მოედანზეა და თუ ამ თემაზე საუბარს დიპლომატიური ურთიერთობების აღდგენის გარეშე დაიწყებს, ამას მხოლოდ დადებითად შევხვდები." - აცხადებს ვიქტორ დოლიძე გადაცემაში 2030.