მოკლული იური ვაზაგაშვილის დის, მანანა ვაზაგაშვილის განცხადებით მისი ძმის მკვლელობა ირაკლი ფირცხალავასა და ცააძის ინტერესებში შედიოდა, რადგან იური ვაზაგაშვილი დღეს რომ ცოცხალი ყოფილიყო, ზურა ვაზაგაშვილის საქმეზე ძალიან ბევრი ადამიანი აგებდა პასუხს.
„როგორ ფიქრობთ, იური ვაზაგაშვილი ცოცხალი რომ ყოფილიყო საბრალდებო სკამზე მხოლოდ ფირცხალავა და ცააძე ისხდებოდბნენ და ნაკანი? მათ მხოლოდ 12 წელს მიუსჯიდნენ? ამიტომაც მოიშორეს იური ვაზაგაშვილი."- განაცხადა მანანა ვაზაგაშვილმა გადაცემაში „პრიორიტეტი" და აღნიშნა, რომ პროკურატურამ მართლაც ძალიან ეფექტური გამოძიება ჩაატარა, თუმცა მკვლელობის დამკვეთების ვინაობა დადასტურებული არ არის.
„მადლობელი ვარ პროკურატურის, მათ ძალიან დიდი სამუშაო გასწიეს და გამოვლინდა კიდეც სოსანაშვილი, მაგრამ იმედი მაქვს, რომ დამკვეთებსაც გამოავლენენ. ძალიან მაინტერესებს რატომ არ აუღეს დღემდე ფირცხალავას და ცააძეს დე-ენ-ემ-ის ანალიზი."- განაცხადა მოკლულის დამ.
