საქართველოს თავდაცვის მინისტრი თინა ხიდაშელი ჰააგის სისხლის სამართლის საერთაშორისო სასამართლოს პროკურორის ფატუ ბენსუდას განცხადებას ეხმაურება, რომელიც 2008 წლის აგვისტოს ომის გამოძიებას ეხება.

„განცხადებაში ჩვენ ვნახეთ, რომ საუბარი არის ორივე მხარის მიერ ჩადენილ დანაშაულზე, ოღონდ ორივე მხარეში იგულისხმებიან ქართული და ე.წ.სამხრეთ ოსეთის შეიარაღებული ფორმირებები - ეს რას ნიშნავს, ჩემთვის ძალიან გაუგებარი და წარმოუდგენელი ცნებაა. იმედი მაქვს, ეს განცხადება არის ძალიან, ძალიან, სუპერ წინასწარი მოკვლევის შედეგებზე დაფუძნებული და ტონალობაც, განწყობაც, სუბიექტებიც და მხარეებიც უკვე გამოძიების დროს შეიცვლებიან და სიმართლე იპოვის საკუთარ გზას ჰააგაში", - განაცხადა თინა ხიდაშელმა.