ცესკო-ს სპიკერის ანა მიქელაძის განცხადებით, 12.00 საათის მდგომარეობით, გარდაბნის მუნიციპალიტეტში ამომრჩეველთა აქტივობამ 11% შეადგინა.

მისივე თქმით, გარდაბანში რეგისტრირებული 71847 ამომრჩევლიდან, 12.00 საათამდე არჩევნებში მონაწილეობა მიიღო 7849 მათგანმა.

„ხმის მიცემის პროცესი მშვიდ ვითარებაში მიმდინარეობს. მხოლოდ ერთეულ შემთხვევებში დაფიქსირდა უმნიშვნელო პროცედურული ხარვეზები, რასთან დაკავშირებითაც რამდენიმე საჩივარი დაიწერა. ამ ეტაპზე ტექნიკური ხარვეზების უმრავლესობა აღმოფხვრილია", - განაცხადა ანა მიქელაძემ.

მანვე შედარებისთვის 2014 წლის ადგილობრივი თვითმმართველობის არჩევნების მონაცემები მოიყვანა და აღნიშნა, რომ 2014 წელს გარდაბანში ამომრჩეველთა აქტივობა 12.00 საათის მდგომარეობით, 14,5 % შეადგინა.