„ნაციონალური მოძრაობის" წარმომადგენლები გარდაბანში დესტრუქციულ ქმედებებს ეწევიან საარჩევნო უბნებზე", - განცხადებას კოალიცია „ქართული ოცნების" აღმასრულებელი მდივანი ირაკლი კობახიძე აკეთებს.

„განსაკუთრებით გიგა ბოკერია და აკაკი ბობოხიძე. ისინი იმ საარჩევნო უბნებზე აქტიურობენ და ცდილობენ, ჩაშალონ საარჩევნო პროცესი, სადაც ფიქრობენ, რომ დიდი სხვაობით აგებენ", - განაცხადა ირაკლი კობახიძემ.

ირაკლი კობახიძემ „ნაციონალური მოძრაობის" წევრების განცხადებას უპასუხა, რომლის თანახმადაც, საარჩევნო უბნებთან სუს-ის თანამშრომლები დაფიქსირდნენ. კობახიძის განმარტებით, საარჩევნო პროცესზე მიმდინარეობს დაკვირვება და „ნაციონალური მოძრაობის" მიერ გავრცელებული ყველა ფაქტი გადამოწმდა და არც ერთი არ დადასტურებულა.