ენერგეტიკის მინისტრის კახა კალაძის განცადებით, „გაზპრომიდან" შემოსული აირის ფასი აზერბაიჯანულთან შედარებით საკმაოდ კონკურენტუნარიანია. როგორც კალაძე განმარტავს, აზერბაიჯანელმა პარტნიორებმა ეს იციან და დასამალი არაფერია. ამის შესახებ კალაძემ „რადიო თავისუფლების" ეთერში ისაუბრა.
კალაძემ, ასევე, ენერგეტიკის სფეროში საქართველოს შესაძლებლობები განიხილა.
„საქართველოს აქვს შესაძლებლობა, გახდეს ენერგეტიკულად დამოუკიდებელი ქვეყანა უახლოეს წლებში, რადგანაც ჩვენ გვაქვს ბევრი წყლის რესურსები. ჩვენ ძალიან ბევრს ვმუშაობთ იმისთვის, რომ ავაშენოთ რაც შეიძლება ბევრი ახალი ჰიდროელექტროსადგური. იმისთვის, რომ ელექტროენერგია იყოს სხვა ქვეყნებში ნაყიდზე იაფი", - განაცხადა კალაძემ.
კალაძის განცხადებით, საქართველო პრიორიტეტულ მდგომარეობაშია. ასევე, მინისტრი მოსახლეობას აძლევს დაპირებას, რომ ტარიფები არ გაიზრდება.
