2008 წლის აგვისტოს ომის მოვლენებს ჰააგის საერთაშორისო სასამართლო გამოიძიებს. პოლიტოლოგი რამაზ საყვარელიძე ვარაუდობს, რომ ჰააგის სასამართლოს განაჩენი ისეთივე დაბალანსებული ხასიათის იქნება, როგორიც ტალიავინის კომისიის დასკვნა იყო.
„რადგან ეს პროცესი დაიძრა, ალბათ უფრო მკაცრი იქნება განაჩენი თითოეული მხარის მიმართ. სავარაუდოდ, ჰააგის სასამართლო როგორც რუსული, ასევე ქართული მხარის შეცდომებზე გაამახვილებს ყურადღებას - შეცდომებზე, რომლებიც დანაშაულის ტოლფასია. ოღონდ უფრო მკაცრ პირობებს წამოაყენებს პასუხისგებისთვის. როგორ წამოაყენებს ამ პირობებს, როგორ მოახდენს თავისი განაჩენის ადმინისტრირებას, როცა ერთ მხარეს არის რუსეთის პრეზიდენტი და მეორე მხარეს - ოდესის გუბერნატორი, ეს უკვე იურისტების კომპეტენციაა", - განაცხადა „რეპორტიორთან" საუბრისას საყვარელიძემ.
