„ქართული ოცნების" აღმასრულებელმა მდივანმა ირაკლი კობახიძემ გარდაბანში, „ქართული ოცნების" ოფისში ბრიფინგი გამართა. მისი განცხადებით გარდაბნის არჩევნებს პრინციპული მნიშვნელობა ჰქონდა, როგორც „ქართული ოცნებისთვის", ისე "ნაციონალური მოძრაობისთვის".
"მონაცემები ცხადყოფს, რომ "ქართულმა ოცნებამ" დიდი უპირატესობით, დაახლოებით სამმაგი უპირატესობით მოიგო გარდაბნის არჩევნები, რასაც წინასწარ ვაანონსებდით. გარდაბნის არჩევნებს ჰქონდა პრინციპული მნიშვნელობა, როგორც ჩვენთვის, ისე "ნაციონალური მოძრაობისთვის", გამომდინარე იქედან, რომ ეს არჩევნები ასახავს არა მხოლოდ გარდაბნის, არამედ ქვეყნის მოსახლეობის განწყობას. შესაბამისად, გარდაბნის არჩევნები იყო ჩვენთვის გენერალური რეპეტიცია 2016 წლის საპარლამენტო არჩევნების წინ." - განაცხადა ირაკლი კობახიძემ.
წყარო: „ipress"
