დღეს ეროვნული უშიშროების საბჭოს სხდომა გაიმართება. მას პრემიერმინისტრი გიორგი კვირიკაშვილიც დაესწრება. სხდომაზე მიწვეულია ყველა წევრი. პრეზიდენტის ადმინისტრაციაში პარლამენტის თავმჯდომარე და თავდაცვის მინისტრიც მივლენ.
მთავარი განსახილველი საკითხი ნატოს ვარშავის სამიტი იქნება ასევე იმსჯელებენ საერთაშორისო მისიებთან დაკავშირებულ თემებზეც. არ არის გამორიცხული დღის წესრიგს სხვა საკითხებიც დაემატოს.
სხდომა 14:00 საათზეა ჩანიშნული, რის შემდეგაც პრეზიდენტის რეზიდენციაში საზეიმო მიღება გაიმართება, რომელიც ეროვნული უშიშროების საბჭოს დაარსების 20 წლისთავს ეძღვნება.
შეგახსენებთ, რომ ყოფილი პრემიერ-მინისტრი ირაკლი ღარიბაშვილი პრეზიდენტის მიერ მოწვეულ უშიშროების საბჭოს სხდომას მხოლოდ ერთხელ, 2014 წლის 28 ოქტომბერსდაესწრო. საბჭოს სხვა სხდომებს პრემიერ-მინისტრი არ დასწრებია.
უშიშროების საბჭოს სხდომაზე პრემიერის დაუსწრებლობის ტრადიცია ღარიბაშვილის წინამორბედმა ბიძინა ივანიშვილმა დაამკვიდრა. ივანიშვილი 2013 წლის 9 ოქტომბერს საქართველოს ყოფილი პრეზიდენტის მიხეილ სააკაშვილის მიერ მოწვეულ უშიშროების საბჭოს სხდომას არ დაესწრო, რადგან ის პრეზიდენტის "პიარაქციად" მიიჩნია.
წყარო: „რუსთავი2"
