29 იანვარს, 20:00 საათზე, თბილისის დიდ საკონცერტო დარბაზში ანსამბლ „მზიურის" სოლისტის მაია ჯაბუას შემოქმედებითი საღამო გაიმართება.

ღონისძიებაში მონაწილეობენ: დათო ევგენიძე, თემურ თათარაშვილი, თამრიკო ჭოხონელიძე, ეკა კახიანი, ლიზა ყენია, ნიკოლოზ რაჭველი და საქართველოს სახელმწიფო სიმფონიური ორკესტრი.

კონცერტის შემდეგ დიდი საკონცერტო დარბაზის წინ მაია ჯაბუას „ვარსკვლავი" გაიხსნება.

ღონისძიება საქართველოს კულტურისა და ძეგლთა დაცვის სამინისტროს, თბილისის მერიის კულტურული ღონისძიებების ცენტრისა და საქართველოს კულტურის პალატის მხარდაჭერით იმართება.