„ქართულმა ოცნებამ" თითქმის სამმაგი უპირატესობით დაამარცხა „ნაციონალური მოძრაობა" გარდაბნის არჩევნებში", - ამის შესახებ განათლების მინისტრის მრჩეველი ოთარ აბესაძე საკუთარ „facebook"-გვერდზე წერს და გოჩა ჯამარაულს არჩევნებში გამარჯვებას ულოცავს.

„ძალიან სამწუხაროა, რომ სხვა პოლიტიკურმა ორგანიზაციებმა არ მიიღეს მონაწილეობა აღნიშნულ არჩევნებში. საპარლამენტო არჩევნების წინ ეს იქნებოდა ყველაზე ობიექტური „კვლევა".

ვულოცავ „ქართული ოცნების" გუნდს და პირადად ბატონ გოჩა ჯამარაულს.

„ნაციონალურ მოძრაობას" კი ვუსურვებ რეალობის მკვეთრ აღქმას და შეგუებას იმ ფაქტისადმი, რომ პოლიტიკურად მავნებელი ორგანიზაცია, რომელმაც ბევრი სიავე მოუტანა საქართველოს, ქრება პოლიტიკური რადარებიდან", - წერს აბესაძე.