საქართველოს პრეზიდენტმა გიორგი მარგველაშვილმა რუსეთის საგარეო საქმეთა მინისტრის სერგეი ლავროვის განცხადების კომენტირებისას განაცხადა, რომ სამართალდამცავი სტრუქტურები პანკისში ვითარებას ბოლომდე აკონტროლებენ.

„სრულიად დარწმუნებული ვარ, რომ ჩვენი სამართალდამცავი სტრუქტურები ბოლომდე აკონტროლებენ ვითარებას პანკისში, მაგრამ ამასთან ერთად ჩვენ პოლიტიკური ხელმძღვანელებიც მუდმივი ყურადღებით ვართ განწყობილი ამ საკითხთან დაკავშირებით. ბუნებრივია, ეს ყურადღება არც პოლიტიკური ხელმძღვანელობის, არც სამართალდამცავების მხრიდან არასდროს არ მოდუნდება", - განაცხადა გიორგი მარგველაშვილმა.