„სასიამოვნოა, რომ გრძელდება ტრადიცია, რომელსაც გამჭვირვალე, სამართლიანი დემოკრატიული არჩევნების ჩატარება ჰქვია. ეს არჩევნებიც სწორედ ამის ნათელი მაგალითი გახლდათ", - განცხადებას „ახალგაზრდული ცენტრის" წარმომადგენელი გიორგი ჩიქოვანი „რეპორტიორთან" საუბარში აკეთებს:
„ჩვენი ორგანიზაცია - „ახალგაზრდული ცენტრი" მონიტორინგს უწევდა გარდაბანში მიმდინარე გამგებლის რიგგარეშე არჩევნებს. გვქონდა საშუალება, უშუალოდ ადგილზე გავცნობოდით არჩევნები მიმდინარე პროცესს.
გვსურს, აღვნიშნოთ, რომ არჩევნებმა ჩაიარა მშვიდ ვითარებაში, იყო მხოლოდ რამდენიმე მცირე გაუგებრობა, რომელიც ძირითადად ტექნიკური ხასიათის გახლდათ, არ დაფიქსირებულა არცერთი ისეთი დარღვევა, რომელსაც შესაძლოა გავლენა მოეხდინა არჩევნების საბოლოო შედეგზე.
თამამად შეიძლება ითქვას, რომ არჩევნებმა ჩაიარა მშვიდ ვითრებაში.
ახალი ხელისუფლების მოსვლის შემდგომ აშკარად შემჩნევა საქართველოში, როგორც სახელწიფოში, დემოკრატიულობის დონის ზრდა, რაც კიდევ უფრო გვაახლოვებს განვითარებულ, ცივილიზებულ სამყაროსთან", - აცხადებს ჩიქოვანი „რეპორტიორთან" საუბარში.
