საპარლამენტო უმრავლესობის წევრის ომარ ნიშნიანიძის თქმით, კოალიციაში საარჩევნო სიებთან დაკავშირებით ვაჭრობა მიმდინარეობს. როგორც ნიშნიანიძემ „ალიას" განუმარტა, აღნიშნული ფაქტი მისთვის გასაკვირი არ არის, რადგან, მისი თქმით, 2012 წლის არჩევნების წინაც მსგავსი ვითარება იყო.
„ჩვენ ამ საქმეში ჯერჯერობით არავინ გვრევს, მაგრამ გულახდილად გეტყვით, სიებთან დაკავშირებით ვაჭრობა მიდის. თუმცა, არ მგონია, ეს პრობლემა გადაულახავი იყოს. მადა ყველას გვაქვს, მაგრამ რეალობა სხვანაირია, ჩვენ ყველას უნდა დავუმტკიცოთ, რა ეკუთვნით და რა არ ეკუთვნით კოალიციაში შემავალ სუბიექტებს.
ჯერჯერობით ვაჭრობენ ერთმანეთში, თვითონ კოალიციაში შემავალი სუბიექტები. ჯერ სიტუაცია უკიდურესად არ არის გამწვავებული. არ მიკვირს, რაც ხდება, ადრეც ასე იყო, 2012 წელს კოალიციის შექმნის მომენტს ვგულისხმობ. როგორ ფიქრობთ, მაშინ ვაჭრობა არ მიდიოდა? მიდიოდა, რა თქმა უნდა. მადა მაშინაც მაგარი ჰქონდათ ვიღაცებს, მაგრამ არ გამოუვიდათ. ვადასტურებ, მაგ მხრივ რთული მდგომარეობაა, მაგრამ ვფიქრობ, ამასაც ეშველება", - განაცხადა ნიშნიანიძემ.
(მოამზადა ნენე სტეფანიშვილმა)
წყარო: „ალია"
