დიასპორის საკითხებში სახელმწიფო მინისტრის მოადგილე სანდრო ბრეგაძე განცხადებას ავრცელებს, რომელსაც გთავაზობთ.
„ძალიან სასიამოვნოა,რომ ქართული ოცნების საპარლამენტო გუნდის უმრავლესობა უერთდება მოძრაობა "ეროვნულების" ინციატივას და კატეგორიულ პოზიციას აფიქსირებს, რომ ერთსქესიანთა ქორწინება არ უნდა დაკანონდეს. ასევე ჩვენი ბევრიპარლამენტარი მზადაა რომ მხარი დაუჭიროს ჩვენს მიერ ინციირებულ საკონსტიტუციო შესწორებას, რომლის მიხედვითაც ოჯახი განისაზღვრება როგორც მამაკაცისა და ქალის ერთობა (თავის დროზე ირაკლი ღარიბაშვილის ინციატივა). გვინდა თითოეულ მათგანს დიდი მადლობა გადაუხადოთ ესეთი ეროვნული და პროგრესული პოზიციის გამო. ამ ფონზე მეტად საინტერესოა სხვა საპარლამენტო ფრაქციების თუ პარტიების პოზიცია. მინდა ყველას განვუმარტო, რომ რაც არ უნდა დაიმალონ ადრე თუ გვიან მაინც მოგიწევთ თქვენი პოზიციის ღიად დაფიქსირება ამ საკითხზე და ღმერთმა ნუ ქნას რომ თქვენი პოზიცია ბოკერია-რამიშვილის პოზიციის იდენტური აღმოჩნდეს, რადგან სრული პასუხისმგებლობით მინდა ვთქვა, რომ ეს იქნება თქვენი სრული კრახის გარანტია 2016 წლის საპარლამენტო არჩევნებზე. მომავალ კვირას ჩვენი ინციატივა ჩამოყალიბებული იურიდიული ფორმით გაეგზავნება საქართველოს პარლამენტს და დიდი იმედი გვაქვს რომ ეს ისტორიული შესწორება საკონსტიტუციო იურიდიულ ნორმად დაკანონდება", - განაცხადა ბრეგაძემ.
მოამზადა სოფო ხუგოიანმა
