„პატრიოტთა ალიანსის" ლიდერი ირმა ინაშვილი სოციალურ ქსელ „ფბ"-გვერდზე წერს, რომ გარდაბნის არჩევნები გოჩა ჯამარაულმა დამაჯერებლად მოიგო, მან რეალურად გაიმარჯვა.

„გოჩა ჯამარაულს ჯერ კიდევ სტუდენტობიდან ვიცნობ... ვიცნობ, როგორც წესიერ, დადებით ადამიანს და კარგ სპორტმენს. გარდაბნის არჩევნები გოჩა ჯამარაულმა დამაჯერებლად მოიგო, მან რეალურად გაიმარჯვა. გოჩა ჯამარაულს არ სჭირდებოდა ვაზიანის სპეცუბნის დახმარება. თავდაცვის მინისტრმა ეს უბანი მხოლოდ და მხოლოდ საკუთარი დანაშაულის გადასაფარად შექმნა. დანაშაულისა, რაც მუხროვანში ჩაიდინა. მინდა წარმატებები ვუსურვო გოჩა ჯამარაულს და მივულოცო გამარჯვება!" - წერს ირმა ინაშვილი „ფბ"-ზე.