განათლებისა და მეცნიერების მინისტრის თამარ სანიკიძის განცხადებით, დღევანდელი დღისთვის ყველა იმ დაწესებულებაში განახლებულია სასწავლო პროცესი, სადაც შეწყვეტილი იყო და ამ მომენტისთვის სასწავლო პროცესის შეწყვეტა არსად ფიქსირდება.

„წინა კვირას სასწავლო პროცესი სკოლების ნაწილში უამინდობის, ხოლო ნაწილში გრიპის ვირუსის თავიდან აცილებისა და პრევენციის გამო იყო შეწყვეტილი. დღევანდელი დღისთვის ყველა ამ დაწესებულებაში სასწავლო პროცესი აღმდგარია. მთლიანად საქართველოში ამ მომენტისთვის სასწავლო პროცესის შეწყვეტა არ ფიქსირდება. შესაბამისად, ვაგრძელებთ დაკვირვებასა და მონიტორინგს. თუ ახალი გარემოებები გვექნება, აქედან გამომდინარე, მივიღებთ შესაბამის გადაწყვეყილებას", - განაცხადა თამარ სანიკიძემ.