იუსტიციის უმაღლესი საბჭოს მდივანმა ლევან მურუსიძემ სასტუმრო „რედისონში" მიმდინარე კონფერენციაზე განაცხადა, რომ შესაძლოა, საბჭოს მუშაობაში კორექტივები არის შესატანი, თუმცა, ამისათვის საჭიროა დაჯდომა და დალაპარაკება.
კონფერენციას მოსამართლეების გარდა, იუსტიციის მინისტრი თეა წულუკიანი, ასევე პრეზიდენტის ადმინისტრაციის წარმომადგენლები ესწრებიან.
„კანონი პარლამენტის მისაღებია. რა კანონსაც პარლამენტი მიიღებს, იმ კანონის საფუძველზე ვმუშაობთ მოსამართლეები. პირველი და მთავარი არის ის, რომ უნდა დამთავრდეს სასამართლოს ლანძღვა. კრიტიკა გასაგებია, მაგრამ უნდა დავილაპარაკოთ. რაც შეეხება იმას, არის თუ არა საბჭოს მუშაობაში შესატანი ცვლილებები - იდეალური არაფერია, მაგრამ როგორ უნდა შევიტანოთ საბჭოს მუშაობაში კორექტივები, თუ ვერ დავილაპარაკეთ?!" - განაცხადა მურუსიძემ.
