საზოგადოებასთან ურთიერთობის სამსახურის უფროსმა ნატა ასათიანმა განათლების სამინისტროში ჟურნალისტებთან კომენტარი გააკეთა იმ სკოლებთან დაკავშირებით, სადაც გრიპის ვირუსის გამო ავადობის მაღალი პროცენტული მაჩვენებელია. მისი თქმით, საქართველოს მასშტაბით 50 სკოლაში 20%-იანი გაცდენა დაფიქსირდა, თუმცა, სწავლა შეჩერებული არ არის.

„ამ სკოლების უმეტესობა რეგიონშია და მცირეკონტინგენტიანი სკოლებია. ისინი რისკ-ფაქტორს არ წარმოადგენენ. საინტერესოა თბილისის 7 სკოლა, სადაც ასევე დაფიქსირდა გაცდენები და ჩვენი მონიტორინგის სამსაური აწარმოებს დაკვირვებას, გაცდენების მიზეზი არის თუ არა ავადობა", - განაცხადა ნატა ასათიანმა.

მისივე თქმით, თბილისის 7 სკოლასთან დაკავშირებით თუ გაცდენების მიზეზი მოსწავლეების ავადობა იქნება, შესაბამის ზომებს მიიღებენ.