პარლამენტი გიორგი მარგველაშვილს უსმენს - პრეზიდენტის ყოველწლიური ანგარიშის მოსმენა რამდენიმე წუთის წინ დაიწყო. სხდომა სახელმწიფო ჰიმნით გაიხსნა.

გიორგი მარგველაშვილი მოხსენებით ქვეყნის უმნიშვნელოვანეს მოვლენებთან დაკავშირებით გამოდის.

პრეზიდენტის მოხსენების მოსასმენად პარლამენტში თითქმის სრული შემადგენლობით იმყოფებიან მინისტრთა კაბინეტის წევრები, გამოსვლას ესწრება პრემიერ-მინისტრი გიორგი კვირიკაშვილიც.

ასევე, პარლამენტში იმყოფებიან საქართველოში აკრედიტებული დიპლომატიური მისიების წარმომადგენლები.