დიპლომატი ზურაბ ხონელიძე ჰააგის სისხლის სამართლის საერთაშორისო სასამართლოს მიერ აგვისტოს ომის მოვლენების დროს ჩადენილი დანაშაულების გამო ყოფილი მაღალჩინოსნების დასჯას არ გამორიცხავს.
„ჰააგის სისხლის სამართლის საერთაშორისო სასამართლო შეიქმნა რომის სტატუტით და ფუნქციონირებს 2002 წლიდან. მისი ფუნქციაა იმ პირების გასამართლება და დასჯა, რომლებსაც ბრალი ედებათ გენოციდში, სამხედრო და კაცობრიობის წინაშე ჩადენილ დანაშაულებში. რუსეთის ფედერაციას კი სისხლის სამართლის საერთაშორისო სასამართლოს რომის სტატუტის რატიფიცირება არ მოუხდენია.
ქართული მხარე დაინტერესებულია სიმართლის დადგენით, ისევე როგორც საერთაშორისო თანამეგობრობა. თუ რუსეთის მხარე დაინტერესებულია ამით, მას შეუძლია ეს მდგომარეობა, რითაც ის აპელირებს დღეს, არ იყოს ხელისშემშლელი. როგორ განვითარდება პროცესები, ძნელი სათქმელია.
აბსოლუტურად ყველაფერი დამოკიდებულია პოლიტიკურ ნებაზე. თუ იქნება ამ თემის ბოლომდე მიყვანის ნება, აღსრულდება კიდეც განაჩენი", - განუცხადა ხონელიძემ „რეპორტიორს".
