ფრაქცია „ქართული ოცნების" თავმჯდომარის გიორგი ვოლსკის განცხადებით პარლამენტის წევრის, გოგი თოფაძის განცხადება, რომელითაც მან პრეზიდენტს მიმართა, სულ მცირე არაკორექტული იყო.

„ჩემი კოლეგის გოგი თოფაძის განცხადება სულ მცირე არაკორექტული იყო. ვფიქრობ, რომ ვალდებულია იგი კონკრეტული თარიღი და ფრაზეოლოგია მოიყვანოს იმ გამონათქვამების დასადასტურებლად, რაზედაც მან ისაუბრა. წინააღმდეგ შემთხვევაში ბოდიშის მოხდა მოუწევს პრეზიდენტისთვის და საზოგადოებისთვის, ნებისმიერ შემთხვევაში როგორც არ უნდა დამთავრდეს ეს კვლევა- ძიება მაინც კორექტულობის ზღვარს სცილდება ასეთი შეფასებები, არასწორია და დღევანდელ დღეს არ უხდება." - განცხადა გიორგი ვოლსკიმ.