ნიგერიელი მებრძოლები ნავთობტანკერ „ლეონ დიასს" დაესხნენ თავს, რომლის ბორტზეც ეკიპაჟის 5 წევრი - 2 რუსი, 2 ფილიპინელი და ერთი ქართველი იმყოფებოდა. „Associated Press"-ის ინფორმაციით, ნავთობტანკერს ჯერ კიდევ გასულ კვირას დაესხნენ თავს და ხომალდისა და ეკიპაჟის წევრების აფეთქებით იმუქრებოდნენ. სააგენტოს ცნობით, „ბოევიკებმა" 31 იანვარს ხომალდი დატოვეს და მძევლები თან წაიყვანეს. ისინი სავარაუდოდ გამოსასყიდის მოთხოვნას აპირებენ.

ამ დროისთვის მძევლების ადგილსამყოფელი უცნობია.

მოამზადა სალომე ჯანდიერმა