ლექტორი გიორგი მაისურაძე მართლმადიდებლობის წინააღმდეგ, მისი სახელით გავრცელებულ განცხადებას კატეგორიულად უარყოფს და სოციალურ ქსელში განცხადებას ავრცელებს, რომ  მას მსგავსი არაფერი უთქვამს.

„ახლა ვნახე, რომ ჩემი სახელით ეს რაღაც გაუგებრობა ვრცელდება. მიუხედავად ჩემი მკაცრად კრიტიკული პოზიციისა ეკლესიის მიმართ, არაფერი, რაც აქ წერია მე არ მეკუთვნის! არც თავი მომიხსენიებია ოდესმე ლიბერალად...

ჩემი პოზიცია უახლოეს ხანებში გამოქვეყნდება რადიო „თავისუფლების" ბლოგზე."- წერს მაისურაძე.

დღეს მაისურაძის ფეისბუქის გვერდზე განცხადება გავრცელდა, სადაც იგი წერდა, რომ „არ მოისვენებდა, სანამ მართლმადიდებლობას საბოლოოდ არ დაასრულებდა." თუმცა განცხადება მალევე წაიშალა.