„ეს არის დამონტაჟებული ვიდეო, რომელიც „მაესტროს" ეთერში არ გასულა!"  - ამ კომენტარს „მაესტროს" ჟურნალისტი ირაკლი ჩიხლაძე იმ კადრებთან დაკავშირებით აკეთებს, რომელიც ორი დღეა ვრცელდება სოციალურ ქსელებში. კადრებში ჩანს არაფხიზელ მდგომარეობაში მყოფი გია გაჩეჩილაძე:

„სოციალური ქსელით ვრცელდება დამონტაჟებული ვიდეომასალა, რომელიც ასახავს თითქოს „მაესტრომ" შუადღის ეთერში გაუშვა არქივის კადრები, რომელიც ეხება გია გაჩეჩილაძეს. ეს არის დამონტაჟებული ვიდეო, რომელიც არხის ეთერში არ გასულა და მიზნად ისახავს საინფორმაციო სამსახურის დისკრედიტაციას!" - წერს ირაკლი ჩიხლაძე.