გუშინ, თბილისში, გაგარინის ქუჩაზე, „მერსედესის" მარკის ავტომობილს ცეცხლი გაუჩნდა. არსებული ინფორმაციით, ავტომობილი მომღერალ რატი დურგლიშვილს ეკუთვნის. ჩვენ ინფორმაცია მომღერალთან გადავამოწმეთ, იგი ადასტურებს ფაქტს:

„ნამდვილად გადავრჩი. გაგარინზე ჩვეულებრივად ვმოძრაობდი საკუთარი მანქანით. მანქანის წინა ნაწილში კვამლი შევამჩნიე, სწრაფად გავაჩერე და გადმოვედი. რამდენიმე წუთში მთლიანად აალდა. მანქანა მთლიანად დაიწვა, მისი გამოყენება შეუძლებელია. დიდი მადლობა მინდა ვუთხრა სახანძროს და პატრულს, რომ გადავრჩი", - ამბობს დურგლიშვილი.

მომღერლის თქმით, დაზიანება არ მიუღია, რადგან მანქანიდან გადმოსვლა დროულად მოახერხა.

წყარო: palitratv.ge