გეოლოგ ალექსანდრე თვალჭრელიძის განცხადებით, ატლანტიკური საბჭოს ანგარიშში წარმოდგენილი ინფორმაცია, აღმოსავლეთ საქართველოში განსაკუთრებით დიდი ოდენობით ბუნებრივი აირის არსებობასთან დაკავშირებით, სიმართლეს არ შეესაბამება.

„ეს მარაგი არ აღმოჩნდება. მე ვარ 35 წლის გამოცდილების მქონე რესურსების სპეციალისტი. ჩემს გამოცდილებაზე დაყრდნობით ვაცხადებ, რომ ამდენი ბუნებრივი აირი იქ არ არსებობს", - განაცხადა თვალჭრელიძემ „რეპორტიორთან" საუბრისას.

„აღმოსავლეთ საქართველოში გაზის უზარმაზარი მარაგი (3,8 ტრილიონი კუბური მეტრი) არსებობს" - აღნიშნული ინფორმაცია კომპანია „Frontera resource"-ზე დაყრდნობით ატლანტიკურმა საბჭომ საკუთარ ანგარიშში გამოაქვეყნა.