სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ დღევანდელი ქადაგებისას ადამიანის ცხოვრებაზე ისაუბრა. მისი თქმით, ბედნიერია ის ადამიანი, რომელიც ცხოვრებისეულ, მიწიერ გამოცდას ღირსეულად აიტანს.

„დრონი იცვლებიან და დროსთან ერთად იცვლებიან ადამიანებიც. ბედნიერია ის ერი, რომლებიც იცვლებიან, ადიან სრულყოფილების კიბეზე, ადიან მაღლა, მაგრამ არიან ადამიანები და ერი, რომლებიც მიდიან დაბლა და ეცემიან. ადამიანის ცხოვრება არის გამოცდა და ბედნიერია ის, რომელიც ღირსეულად აიტანს ამ მიწიერ გამოცდას... ასევე ბედნიერია ის ადამიანი, ვისთანაც უფალია. ღმერთმა ინებოს, რომ მარტო არასდროს ვიყოთ და ჩვენთან იყოს უფალი", - ბრძანა ილია მეორემ.