თბილისის მუნიციპალიტეტის საკრებულოს სამგორის რაიონის მაჟორიტარი დეპუტატი ია მაკასარაშვილი ბიუროს წევრებთან ერთად ვარკეთილი III-ის, მე-4 მ/რ-ის 403-ე კორპუსის მცხოვრებლებს შეხვდა და შენობის სარეაბილიტაციო, კერძოდ, სახურავისა და წყალსაწრეტი მილების სარემონტო და აღდგენითი სამუშაოების დაფინანსების შესახებ ინფორმაცია მიაწოდა.
დეპუტატის განცხადებით, კორპუსი, რომელიც თვრამეტი სადარბაზოსგან შედგება, ავარიულ მდგომარეობაშია და გამაგრებითი სამუშაოების ჩატარებას საჭიროებს.
ია მაკასარაშვილის შუამდგომლობით, მერიის კეთილმოწყობის სამსახურიდან უმოკლეს ვადებში გამოიყოფა თანხა, რომელიც აღნიშნულ სამუშაოებს მოხმარდება. როგორც დეპუტატმა მოსახლეობასთან შეხვედრისას აღნიშნა, სამომავლოდ მიმდებარე ტერიტორიის გამწვანება და სკვერის მოწყობაა დაგეგმილია.
მოამზადა სალომე ჯანდიერმა
