ტელეკომპანია „მაესტროს" თანამშრომლები საგანგებო განცადებას ავრცელებენ სადაც აღნიშნულია, რომ სანამ სასამართლო საბოლოო განაჩენს გამოტანს, არხი უწყვეტ რეჟიმში განაგრძობს მუშაობას, თუმცა, ტელეკომპანიის თანამშრომლები იმედოვნებენ, რომ სასამართლო სამართლიან გადაწყვეტილებას მიიღებს.
„იმ შემთხვევაში თუ რეესტრმა დააფიქსირა შესაბამისი ცვლილებები, არ ვგეგმავთ შპს სტუდია მაესტროს დირექტორის განკარგულებების შესრულებას."- აღნიშნავენ ტელეკომპანიის თანამშრომლები.
„დღეს ტელეკომპანიის უკლებლივ ყველა თანამშრომელს ჰქონდა საშუალება შეხვედროდა, გასაუბრებოდა და მოესმინა ტელეკომპანიის ერთ-ერთი დამფუძნებლის, მაკა ასათიანის პოზიცია.
„მაესტროსთან" მიმდინარე პროცესთან დაკავშირებით გვსურს განვაცხადოთ: მაესტროზე არსებული ყველა ტელეპროექი რჩება ეთერში, თანამშრომლები აგრძელებენ საქმიანობას და უზრუნველჰყოფენ ყველა საინფორმაციო გამოშვებისა და გადაცემის ეთერში უწყვეტობას. თანამშრომლები აგრძელებენ არხზე მუშაობას, რომელიც დღეს სამართლებრივ დავაში არის, თუმცა ვიდრე არ გაირკვევა სასამართლოს მიერ პარტნიორთა კრებაზე მიღებული მართლზომიერების გადაწყვეტილება, იმ შემთხვევაში თუ რეესტრმა დააფიქსირა შესაბამისი ცვლილებები, არ ვგეგმავთ შპს სტუდია მაესტროს დირექტორის განკარგულებების შესრულებას.
ასევე ველით პასუხებს იმ ფაქტებზე, რომელიც დღევანდელ ბრიფინგზე მაესტროს მოქმდემა დირექტორმა- ბაია გადაბაძემ გააჟღერა წილის ნასყიდობასთან დაკავშირებით."-აღნიშნულია განცხადებაში.
