„დაანებეთ თავი ჩვენს სარწმუნოებას, ნუ შეურაცხყოფთ ყველას და ყველაფერს", - ამ განცხადებას მომღერალი აჩიკო ნიჟარაძე სოციალურ ქსელში აკეთებს, რომელსაც გთავაზობთ:

„ყოველ დღე ტელევიზიით თუ Facebook-ის საშუალებით, ადამიანები ვისმენთ ძალიან შეურაცხმყოფელ სიტყვებს ჩვენი სარწმუნოებისა და ეკლესიის მიმართ. დაანებეთ თავი ჩვენს სარწმუნოებას, ნუ შეურაცხყოფთ ყველას და ყველაფერს. შეწყვიტეთ! ყველაფერს აქვს თავისი საზღვარი. მიუხედავად იმისა, რომ მე ვარ მართლმადიდებელი, არასოდეს მომივა თავში, შეურაცხყოფა მივაყენო რომელიმე სხვა რელიგიას, ეს მათი არჩევანია. პატივს ვცემ ყველას მოსაზრებას და მრწამსს. ათეისტი ხარ, სხვა შეხედულება გაქვს, არ არის საჭირო მაინცდამაინც შეურაცხყოფა, მიეცი თავისუფალი არჩევანის უფლება სხვას და ნუ შეურაცხყოფ იმ ადამიანებს, ვისაც უნდა რომ სწამდეს. საქართველოს ევანგელისტურ-ბაპტისტური ეკლესიის ეპისკოპოსი გამოდის პირდაპირ ეთერში და შეურაცხყოფას აყენებს ჩვენს სარწმუნოებას და ეკლესიას. ამისათვის ბოდიშის მოხდა მოგიწევთ", - წერს აჩიკო ნიჟარაძე.

მოამზადა სალომე ჯანდიერმა