ტელეკომპანია „მაესტროს" 25 %-იანი წილის მფლობელი მაკა ასათიანი იმ ჟურნალისტებთან დაკავშირებით საუბრობს, რომლებიც, მისი თქმით, არ იზიარებენ გუნდის ერთიან მოსაზრებას. მაკა ასათიანის განცხადებით, მას გული სწყდება, რომ „მაესტრო" ვერ აღმოჩნდა ერთიანი გუნდი.

„არის სამი გოგონა, მე არ მეგონა, რომ სამი ადამიანი იქნებოდა ისეთი, რომელიც ამ ერთობლიობას დაარღვევდა. ჩემთვის ეს ძალიან მნიშვნელოვანი იყო. ალბათ პირადად ჩემი მხრიდანაც იყო დაშვებული რაღაც შეცდომები, რატომაც მათ მთელი გუნდის ერთიანობაში ეჭვი შეიტანეს და თავიანთი განსხვავებული აზრი დააფიქსირეს. ჩემთვის ეს ძალიან მნიშვნელოვანი და მტკივნეული იყო", - განაცხადა ასათიანმა.