ტელეკომპანია „მაესტროს" მოქმედი დირექტორი ბაია გადაბაძე საჯარო რეესტრის მიერ ლევან გაჩეჩილაძის დირექტორად დარეგისტრირების საკითხის შეჩერებას ეხმაურება.

„რეესტრის განცხადება ნიშნავს შემდეგს - საქმე, რომელიც მე შევიტანე სასამართლოში პარტნიორთა კრების გადაწყვეტილების ბათილად ცნობის შესახებ, მართალია, სასამართლომ არ დამიკმაყოფილა, მაგრამ ეს დააკმაყოფილა რეესტრმა. რეესტრმა შეაჩერა ბატონი ლევან გაჩეჩილაძის რეგისტრაცია. ის, რომ სასამართლომ ჩემი სარჩელი არ დააკმაყოფილა,  ამას აუცილებლად გავასაჩივრებ.

როგორც ვიცი, ამას სჭირდება ერთ თვემდე ვადა. ამ ეტაპისთვის პირველი წარმატება მიღწეულია - დანარჩენს ვნახავთ. ბრძოლა გრძელდება და ჩემი ყველა განცხადება  ძალაშია",- განაცხადა ბაია გადაბაძემ.