ვერის ბაღში არსებულ საკალათბურთო დარბაზში კონსერვატიული პარტიის ყრილობა მიმდინარეობს. კონსერვატიული პარტიის თავმჯდომარემ, საპარლამენტო უმრავლესობის წევრმა ზვიად ძიძიგურმა განცხადება ოჯახის ცნებასთან დაკავშირებით გააკეთა და განმარტა, რომ ოჯახი არის ქალისა და მამაკაცის ერთობა.

„ოჯახი არის ქალის და მამაკაცის ერთობა. ჩვენს შვილებს აქვთ უფლება, მათი დედები იყვნენ ქალები, ხოლო მამები - კაცები. არ შეიძლება, რომ დედ-მამა ერთი სქესის ჰყავდეს. ეს არის ის საკითხი, რომელზეც მყარად და მტკიცედ ვიქნებით ბოლომდე", - განაცხადა ზვიად ძიძიგურმა.