მთავრობის სხდომაზე დღეს საგადასახადო რეფორმის საკითხს განიხილავენ. ამის შესახებ საქართველოს პრემიერ-მინისტრმა გიორგი კვირიკაშვილმა დღევანდელი მთავრობის სხდომის დაწყებამდე განაცხადა. კვირიკაშვილის თქმით, მთავრობა დაინტერესებულია, რომ „საგადასახადო კოდექსში" ცვლილებების განხილვა მინიმალურ დროში მოხერხდეს.
„დღეს ჩვენ გამოგვაქვს „საგადასახადო კოდექსში" ცვლილებები, კანონპროექტების პაკეტი, რომელიც იქნება განხილული მინისტრთა კაბინეტის სხდომაზე, შემდეგ კი გადაიგზავნება პარლამენტში, რათა უკვე საპარლამენტო ფორმატში გაგრძელდეს განხილვა. ჩვენ მაქსიმალურად ვართ დაინტერესებული, რომ დროის მინიმალურ მონაკვეთში მოხდეს ამ კანონპროექტის განხილვა და მიღება", -განაცხადა გიორგი კვირიკაშვილმა.
მთავრობის სხდომა 09:00 საათზე დაიწყო. მინისტრთა კაბინეტს დღის წესრიგით დღეს 36 საკითხი აქვს განსახილველი.
