„ნაციონალური მოძრაობის" წევრის გიორგი ბარამიძის განცხადებით, თავის დროზე მათი შეცდომა იყო როცა საარჩევნო სისტემასთან დაკავშირებით ოპოზიციასთან შეთანხმებული ვარიანტი არ მიიღეს და ეს სანანებლი ნამდვილად აქვთ. განცხადება ბარამიძემ პარლამენტის იურიდიულ საკითხთა კომიტეტის სხდომაზე გააკეთა.
გიორგი ბარამიძემ მმართველი გუნდის წარმომადგენლებს ურჩია, საარჩევნო სისტემასთან დაკავშირებით წინა ხელისუფლების შეცდომა გაითვალისწინონ და მათაც იგივე არ დაემართოთ.
ცნობისთვის, პარლამენტის იურიდიულ საკითხთა კომიტეტი საპარლამენტო და არასაპარლამეტო ოპოზიციის მიერ მომზადებულ საკონსტიტუციო ცვლილებების პროექტს იხილავს, რომლითაც მაჟორიტარული არჩევნები უქმდება და პარლამენტის 150 მანდატიდან, 75 - ერთიანი პროპორციული სისტემით, ხოლო 75 - სამხარეო-პროპორციული სისტემით გადანაწილდება.
