ტელეკომპანია „მაესტროს" საკონტროლო პაკეტის მფლობელის გია გაჩეჩილაძის განცხადებით ტელეკომპანიის გაკოტრების პროცესი უკვე იწყება.
როგორც გაჩეჩილაძემ გადაცემაში 2030 აღნიშნა, მისთვის გაუგებარია თუ რატომ არ არეგისტრირებს საჯარო რეესტრი მის მიერ დანიშნულ დირექტორს, რომელმაც ტელეკომპანიის რეაბილიტაცია უნდა დაიწყოს და თან რაც შეიძება მალე.
„19-ში „მაესტროს" გაკოტრების პროცესი იწყება. ტელევიზიის რეაბილიტაციის გეგმა მაქვს და ამ დროს, საჯარო რეესტრი ჩემს მიერ დანიშნულ დირექტორს არ არეგისტრირებს, ამას რა ქვია?! საკონტროლო პაკეტის მფლობელი რომ საკუთარ კომპანიაში დირექტორს ვერ ნიშნავს, ეს მთელი ქვეყნის პრობლემაა. ჟურნალისტებს მინდა ვკითხო - პროტესტს რატომ აწყობენ?! თუ ლევანი დირექტორი გახდა, მივა, ყველას დაელაპარაკება და დარწმუნებული ვარ, ყველაფერი მოგვარდება." - განაცხადა გია გაჩეჩილაძემ.
