"ჩემი ოჯახის კლინიკისა" და დევნილთა სამინისტროს ერთობლივი აქციის ფარგლებში ზუგდიდში მცხოვრებ დევნილებს უფასო სამედიცინო გამოკვლევები ჩაუტარდებათ, აქცია ხვალ დაიწყება და დევნილებს სხვადასხვა პროფილის 52 ექიმი მოემსახურება. თერაპევტები, კარდიოლოგები, ნევროლოგები, ენდოკრინოლოგები, ტრავმატოლოგები, პედიატრები, ქირურგები და სხვა პროფილის ექიმები დევნილებს მთელი დღის განმავლობაში მიიღებენ. ადგილზე ჩავლენ დევნილთა მინისტრის მოადგილე, მამუკა ცოტნიაშვილი და "ჩემი ოჯახის კლინიკის" წარმომადგენელი, თეონა ლალიაშვილი. აქცია მრავალპროფილიან კლინიკურ საავადმყოფოში ჩატარდება (კონსტანტინე გამსახურდიას #206).